Cyrsiau Hamdden

Cadw'n Heini i'r 50+

Nod y cwrs yw cynyddu eich nerth, cryfder ac ystwythder. Bydd y gallu i ymddal yn eich cynorthwyo i gadw i fynd heb flino yn gyflym. Mae angen cryfder ar gyfer gweithgareddau beunyddiol o gwmpas y cartref. Trwy gynyddu cryfder cyhyrol ac ystwythder byddwch yn llai tebygol o ddioddef ysigiadau ac anafiadau ac yn cadw'n fywiog wrth dyfu'n hyn.

 

Gwneud argraffiadau gyda Gwenllian Beynon

Yn y cwrs yma byddwch yn creu lluniau arbrofol mewn gwahanol technegau argraffi. Hanner ffordd drwy’r tymor fydd yna sesiwn dwbl yn ystod y dydd, dyddiad i’w gadarnhau.

Gwniadwaith gyda Dilys Morgan

Cyflwynir pob math o frodwaith fel bo'n addas. Dewisir prosiect gan yr unigolyn i gwblhau ac fe ddysgir y sgiliau angenrheidiol i orffen y prosiect. Mae'r cwrs yn addas ar gyfer pob lefel o ddechreuwyr.

Dewch i Ddawnsio! Gyda Gill Knight

Nod y dosbarth yw cyflwyno gwybodaeth sylfaenol o'r gwahanol rythmau a symudiadau dawnsio mewn 'Dawnsfeydd Neuadd Ddawnsio'; a rhai 'Lladin-Americanaidd' a fydd yn arwain at amrywiaeth o brofion a all ennill i chi fedalau os dymunwch. Mae'r dawnsfeydd yn cynnwys: Y 'Walts'; 'Stepio Cyflym'; y 'Cha-Cha-Cha'; `Jeifio`; y `'Ffocs-trot Araf'; Y 'Tango'; Y 'Rymba'; Y 'Samba'; Y 'Salsa' a'r 'Pasa- Doble'. Mae'r Tiwtor yn gymrawd o'r UKA aelod corfforedig o Gyngor Dawns Prydain.

Canu'r Gitâr gyda Mike Eades

Nod y Cwrs i Ddechreuwyr yw dysgu i chwarae mewn gweithdy sy’n rhwydd i’w ddilyn, a chynyddu hyder a chymhelliad trwy ddysgu a pherfformio darnau syml a difyr o gerddoriaeth. Nid oes angen unrhyw wybodaeth gerddorol flaenorol – dim ond y parodrwydd i ddysgu chwarae’r gitâr.

Nod y Cwrs Canolradd yw adeiladu ar y wybodaeth a’r profiad blaenorol o chwarae’r gitâr a chynyddu hyder a chymhelliad ymhellach trwy ddysgu a chwarae strwythurau cord a melodi mwy heriol. Bydd peth gwybodaeth gerddorol flaenorol yn ddymunol.

Nod y Cwrs Uwch yw ehangu ac astudio technegau gitâr fwy datblygedig gan gynnwys amrediad llawer ehangach o ddeunyddiau a hefyd, cynnal a chadw’r gitâr, ei hanes a hunan-gyfansoddi. Byddai gwybodaeth gerddorol flaenorol yn ddymunol.

Blodeuyddiaeth i Ddechreuwyr gyda Linda Seabrook, blodeuwraig "LA"

Ydych chi'n dymuno dysgu sgil newydd? Dewch i ymuno â ni i drefnu blodau yn Ysgol Uwchradd Tregaron.

Golwg ar Dirlun gyda Caroline Juler

Dyluniwyd y cwrs 10 wythnos hwn i gyflwyno agweddau ar arlunio tirlun Ewropeaidd i’r sawl nad ydynt yn arbenigwyr. Yn ystod y cwrs byddwch yn edrych ar y ffyrdd roedd arlunwyr yn datblygu eu sgiliau technegol ynghyd â’r cefndir esthetig, economaidd a gwleidyddol oedd yn eu hysgogi. Bydd o leiaf un daith i oriel fel yr Oriel Cenedlaethol yng Nghaerdydd ac efallai ymweliad â stiwdio. Bydd pob sesiwn yn cynnwys cyflwyniad gyda thrafodaeth i ddilyn.